雖然我知有一部份讀者可能睇到悶，不過因為土豪金iPhone5s嘅消息，依然有極多人關注，所以我哋當然會繼續update。行完一轉先達，最平一間舖嘅土豪金5s就賣$6,200，比上個星期又平咗百幾蚊，最貴個間就繼續賣$6,380；回收價都係咁上下，$6,000-$6,200左右，無乜大變動。如果你係想自用，而唔係炒家的話，勸大家忍忍手，過多兩星期應該可以貼近原價入手，都等咗兩個月，唔差在等多陣呢！

相反，5c就升返價，要$4,280，之前最平試過$4,000呢個價位，相差$280，入唔入手就自己考慮了！。