由韓國Mnet電視台早前製作嘅19禁劇集《TheLover》，因為大膽挑戰敏感「性」題材而一度引嚟熱話，不過劇集亦都因為太「鹹」嘅關係，而惹上麻煩。

劇集圍繞4對住喺同一棟大廈入面嘅情侶各自發生嘅生活事，當中有一對仲大玩「HeHe」情，而佢哋亦會不時用言語、身體動作或道具嚟暗示有關性嘅話題。

就因為咁，韓國放送通信委員會喺上個月29日舉行完第15輪全體會議之後就決定，《TheLover》就因為違反「品味維持」（即係播放不必要嘅裸露身體畫面、過度或不必要提到性行為、運用身體表現臟話等）而要被罰款2,000萬韓圜（約13萬港元）。