當年今日
關於我們

【初頭係食好多屎】潮人求生自白 潘世亨:有人認同,自然有人會搵你!

蘋果日報 2019/06/09 06:00

Pharrell WilliamKidults陳冠希潮人KAWS潘世亨

人稱KP的潘世亨(Kevin),是香港衝出國際做潮人的代表人物之一,最廣為人知是他與陳冠希(Edison)合夥打造自家潮牌,不時與如Nike、Converse聯乘,到近年有亦有不少國際時裝品牌合作。在他的IG中, Pharrell Williams、藤原浩、Nigo及KAWS設計師Brian Donnelly等是他生活圈子的友好。除了與Edison拍住上,他近年有不少獨立投資,如時裝品牌做創意公關,再跨界去開咖啡店、三文治店、拉麵舖、甚至和牛高級食肆,可以用「hip」形容他開拓潮人品味的生活態度。
現在的KP已38歲了,他自言已走向「大叔」之齡:「自己心境28歲,朋友笑我得23歲。」在潮流創意工業10多年,他的客人層面亦已由kidult伸延到millennials,而他亦站穩insider之前線,他笑言當日揀此行,只是不想返朝九晚五,每日要着西裝返工。提到分享在這圈子的survival guide,KP就深入淺出表示:「第一,唔好咁易放棄,可以嘅話,一放棄就冇啦,同埋一定要成日變,唔好太過保守,有時要take啲risk,例如而家網店好流行,你都要搞,又好似而家我哋office搞緊WeChat舖頭,隨著時間變化,跟住步伐,尤其時做潮流嘅嘢。」
睇軟硬林海峰、葛民輝成長、喜歡日本潮流文化,20歲的KP就膽粗粗與Edison去開樓上舖,作為一個80後創業者,他坦言:「初頭係食好多屎,食得多就會大,同埋你唔會好介意,有問題嘅時候你識點應付,但係眨吓眼就10年,都非常之快,都好感恩好多人畀啲機會我發揮空間我哋,轉捩點就係05年同Nike聯名,我哋個牌子仲係好細,一瞬間全世界好多人知道有呢個牌子,每日都有好多好好機會,睇你點把握。」
如何做後生仔的生意,應該是KP時常研究的課題,他表示:「而家好後生嘅人係好懷舊,佢哋好鍾意90後、千禧後,可能我長大嘅時候係睇住Nigo、藤原浩係我哋偶像,可能佢哋都會睇住我哋,視我哋為榜樣,係非常開心,同盡量做多啲回饋返年青人。好多時啲年青人喺網上面搵我哋,問創業有咩tips、想開自己牌子,我哋都會畀啲意見。」
將自己喜歡的事物做生意,就是KP投入創業的原因,他以前買落的Nigo的設計、KAWS畫作、Supreme等產品,現在都成為國際拍賣所的人氣拍賣品,問到KP是不是一個好的「理由」去消費,皆因潮物具升值潛力,他表示:「一代一代,因為消費年紀去到呢個階段,我都好意外,呢個階段好多嘢都發生得好快,我見到好開心,我哋細個鍾意嘅嘢已變咗係art piece,見到喺拍賣,有儲嘅潛力,同變咗一啲asset、 art piece,figure又有、canvas又有、sculpture又有,乜都儲,講就講係會升值,一日未賣都唔知升定跌,但見到都開心,多咗人去吹捧,我真係鍾意先買,唔好淨係諗炒升值先去買一啲嘢,留返炒樓好過,而家炒樓都好難。」
Andy Warhol的15分鐘成名論很切合現今社交平台文化, KOL越多like就越有商機,KP認為:「Instagram咁容易,當然啲人會post最好嘅一面,啲辛苦嘢,或落好多苦功,未必有人睇到,所以啲年青人,睇到一分鐘成名,你睇Virgil Abloh、Nigo都好多年,唔係一日就可以做到最勁,一定有沉澱嘅期間.但我都會覺得social media好interesting,個個都係selfie generation,我都想睇,睇啲年青人點解鍾意睇呢啲,我都嘗試去了解下,而家喺IG,想識邊個邊個係好易,當你做緊一啲嘢,係有人認同,自然有人會搵你。」
問到如何看香港作為一個潮人文化的城市,KP認為香港要團結:「其實日本、點解外國係咁好,係佢哋好團結做緊一樣嘢,美國artists啲畫家,佢哋互相support,日本啲潮流原宿文化,大家好support大家,可能香港少咗啲community嘅嘢,我非常欣賞鄭志剛,好落力去做好多K11、Rosewood,推動文化,需要好多呢啲人。」
打了這片潮流江山十多年,不得不提是他相識20多年的戰友Edison,問到對他有何評價,他表示:「佢係非常之有創意,同埋佢對好多嘢都大膽,我都好欣賞佢,而家佢做咗老竇,好多嘢relax咗啲,同埋佢有諗法。」提到有沒有不足的地方,KP笑言:「大家互相尊重了解,一係唔好做,有時我就吓佢、佢就吓我,咁就10幾年,有時各有各做,最緊要大家有番創作空間,各有生意,各有各忙,又可以做啲嘢係為興趣。短處係而家佢喺美國住,見面少咗好多,溝通上要花多啲努力,大家要主動搵大家。」
最後,問到KP有否留意近年不少藝人如余文樂、徐濠縈、周柏豪甚至古巨基都搞自家潮牌,他表示:「有留意李璨琛Subcrew,徐濠縈啱啱開咗新舖頭,覺得佢哋好努力,希望佢哋大家非常之掂,其他就唔係好清楚, 越多人參與件事先越主流,我哋本身美國長大,希望美國、東南亞、甚至係歐洲都會出現,可能呢個先係夢想,唔係問我係唔係想上市,我覺得唔係,其實係想全世界各地都有舖頭,有我哋啲嘢存在。」
採訪:梁錦雯
攝影:周樂恒
攝錄:林德雄
------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片!下一個爆料王就係你
https://bit.ly/2Guolu9
empty
潘世亨日前在灣仔新開的生活店接受《蘋果》訪問。
empty
由kidult伸延到millennials層面,由玩具伸延到家品,是不少潮店的生存之道。
empty
KP外型年輕,由潮店老闆演變成企業家。
empty
他今年38歲,朋友笑他似23歲,而他認為心境似28歲。
empty
做潮流生意要沉澱,KP當初入行都交了很多功課。
empty
藤原浩是KP年輕時的偶像。(IG圖片)
empty
80後的KP當初入行做潮流生意,希望不用着西裝返朝九晚五的工作。
empty
Pharrell Williams(左)、KAWS的Brian Donnelly均是KP在這行的好友。
empty
陳冠希是KP多年的戰友。(IG圖片)
empty
KP日前到了廣州,為pop up店主持大局。
empty
KP與大熱品牌off-white主帥Virgil Abloh合照。(IG圖片)
empty
Dior男裝主帥Kim Jones(IG圖片)
empty
Bruno Mars(IG圖片)
empty
KP今年在夏威夷向女友麥少瑜求婚成功。(IG圖片)