當年今日
關於我們
【俾台灣網紅叫佢滾】愛國陳小春台灣開騷 傳著避彈衣演出
蘋果日報 2019/12/07 17:30
娛樂
陳小春
台灣網紅館長
STOP ANGRY
娛樂
身為惠州政協嘅陳小春,一直愛國,在香港半年抗爭路程,佢選擇撐警,支持政府並擔當護旗手,亦曾在16年立法會選舉現身撐西環「契仔」何君堯。
正當好多港人喺逆權運動走得熾熱,中台關係亦變得勢成水火,然而飲北水,食人仔口飯嘅陳小春,有傳安排六歲囝囝Jasper到台灣讀書。傳聞一出,台灣網紅館長即在網上大罵小春:「全家滾回中國。」
今晚小春首次喺台灣開《STOP ANGRY》巡迴演唱會,有指事前有狂徒喺佢粉絲專頁留言,會到現場抗議,甚至有人揚言要丟汽油彈。未開騷,場館外牆已經被人用白色及黑色噴漆噴上侮辱性字眼,叫佢滾出台灣。
似乎令台灣人唔夠能「STOP ANGRY」嘅陳小春,喺當地開演唱會唯有加強保安。有指今日到步台灣嘅佢,其下榻酒店前一晚已有五部警車戒備,又指小春今晚演出,會著防彈背心打底,身旁安插隨身保鑣,妻兒亦有專人守護全程。開騷時,個唱安檢升級,所有入場人士都要檢查隨身物品,而場內的洗手間,事前保安會進行檢查,確保冇可疑人物躲藏及危險物品放置,讓小春安心演出
有指小春今晚著定防彈背心演出。
小春今晚喺台灣林口體育館舉行個唱,保安嚴陣以待。
早前有傳小春安排六歲兒子到台灣讀書,卻被台灣網民大罵。
其中台灣網紅館長叫小春滾回中國。
身為惠州政協嘅小春,同何君堯私交甚篤,16年曾撐對方選立法會議員。
-----------------------------
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難!】
親臨旺角做升級壹會員,即送「香港人:抗爭之夏」限量明信片
詳情地址