【始終大師傅穩陣】要搏殺唔顧賠率!一用雷、潘成功率必高
葉楚航莫雷拉潘頓雷神
葉楚航馬房上季亦曾爆過「旅遊首席」及「盛勢」兩匹過百倍大冷門,後駒更是他從練以來的最冷W;但其實整體而言,尤其配潘頓之上陣馬,都係以有票數支持之馬演出較可信賴。
而上季用莫雷拉及蘇兆輝各取三W,更是非大熱即次熱,可見呢個馬房為求穩陣,亦不時用好手熱食。
用人方面,與大部分馬房差不多,葉楚航都係靠冠軍騎師潘頓爭成績,上季兩人合作共交出16W,比對用其他騎師,頭馬數字零零舍舍高出一大截;當然今季雷神轉任公司騎師,身份唔同,或者會在葉廐搶走不少頭馬。
另外葉楚航亦起用本地騎師搏殺,上季分別有黃俊、潘明輝、黃皓楠、巫顯東及蘇狄雄曾替葉楚航馬房贏馬,相信今季仍會有不少頭馬落在本地薑手中,各位不妨留意。
-----------------------------
【每周送10萬】
升級壹會員獨家尊享,立即參加
10萬火急大抽獎 !
*推廣生意的競賽牌照號碼:52302-9