大時大節，梗係想同至親見面，但如果你最想見嘅係你嘅寵物，你又返唔到屋企，咁可以點做呢？

多蒙特嘅美國小將基斯甸普列錫就深陷相思之苦，想係聖誕節見下狗狗，奈何身處首都華盛頓嘅佢，同狗狗位於嘅赫爾希鎮，相距成二百幾公里。最後，普列錫決定上社交網路請教大神，係推特出左個post問有冇推友可以車佢隻狗狗嚟華盛頓。

皇天不負有心人，出post一分鐘就得到一位叫卓斯坦嘅球迷回應，話會幫普列錫呢個忙。佢同女朋友揸足兩個半鐘頭車，途中不斷更新情況畀各位推友知，最終將狗狗送到普列錫身邊。普列錫當然非常感謝呢兩位好心人，同佢哋合照之餘仲親手送上簽名波衫，而呢件事亦喺網上瘋傳，連前美國國腳當路雲都讚兩位好心人係真美國英雄。

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM