NTV日劇《東京白日夢女》聽日開播，三位女主角吉高由里子、大島優子、榮倉奈奈近期忙於四出宣傳，更亮相噚晚播出節目《閑聊007》，榮倉奈奈獲節目安排同I cup巨乳偶像天木純初次見面，點知三位女星對住天木純竟然比麻甩佬更加麻甩。

上年嫁人嘅榮倉奈奈自言好鍾情巨乳，自從大島優子喺社交網上發現天木純之後就推薦俾榮倉，結果榮倉依家日日都要睇對方Instagram先至安樂，今次終於一嚐心願見到真人，榮倉當然要一過手癮。除咗榮倉外，吉高由里子、大島優子都唔執輸，逐一用雙手來體驗天木純嘅巨胸，難得21歲嘅天木純大方任人魚肉，仲即場演繹早前自創「巨乳版PPAP」嘅POOP，表演用筆插波罅絕技。