有份參演港視新劇《天網》嘅林文龍，今晚去到尖沙咀洲際酒店，出席港視舉行嘅聖誕聯歡晚會。林文龍話今晚嚟到嘅港視員工心情一致，極之開心，林文龍話：「估計今晚好多人會打橫出番去，我就應該唔會。」林文龍指新劇《天網》會馬上開工拍攝，佢話：「都要召集番啲人先，有啲人出咗去做嘢。」林文龍0依家有工作在身，要等到1月中左右，先至可以投入劇組。

林文龍同港視冇時段合約關係，只係逐部電視劇簽約，至於幾時再拍新劇，佢話港視已經同佢聯絡，今晚再同有關同事傾，至於會唔會洽談長約，林文龍話：「我自己個人意願係希望，原本未公布之前，過咗年會返內地拍，但我首選意願係留喺HKTV拍，工作環境自己開心，加上唔使離鄉別井，收工可以返屋企陪老婆同個女，長約對自己嚟講係好。」