「我唔係谷o架,係自然嘅」
陳妙瑛老娘拋胸vsLavina
近年積極進軍商界的陳妙瑛,前晚出席其化妝學校的畢業禮,找來o靚模鍾蕙芝(Lavina)、官恩娜(Ella)和林莉擔任模特兒。一向以上圍出位的Lavina例牌大騷身材,不過現年37歲的老闆娘陳妙瑛也不示弱,罕有地谷胸迎戰Lavina,更自稱身材全屬自然,展現另類成熟美。
陳妙瑛近年進軍商界,瓣數多多,前晚她的美容學校BeautyTech於中環舉行畢業禮,一眾學生為模特兒化妝展示技術,並找來o靚模鍾蕙芝、官恩娜及林莉擔任客席模特兒,三人均穿低胸露肩裙配以彩繪圖案現身,身材高下立見,當中以Lavina最突出,不過老闆娘陳妙瑛也不讓3位後生女專美,罕有地穿上谷胸裝,令人眼前一亮。
陳妙瑛罕有谷胸示人,自稱上圍未有做手腳,一切皆是自然效果。
問到陳妙瑛是否刻意谷胸迎戰時,她笑說:「我唔係谷o架,係自然嘅。」對於時下o靚模湧現,陳妙瑛直言:「唔同階層有唔同嘅靚,所以唔可以比較。」目前感情生活如何?陳妙瑛表示一切隨緣,暫時寄情工作。
Lavina則透露化妝師為她在胸前畫上白花彩繪,足足花了3個小時,畫好後她更連外套也不能穿,故不時感到有寒意。另外她又透露近日為減肥而節食,結果成功瘦了十多磅。現場見Lavina接受電子傳媒訪問時一度黑面,但她否認有其事,Lavina指傳媒問及有關o靚模援交傳聞,她覺得這種風氣絕不可助長。
左起:官恩娜、陳妙瑛和林莉齊齊擔任模特兒,讓化妝師在身上畫彩繪。
Lavina說:「一失足成千古恨,後果係好大,唔好因為一時貪念而做,咁會令朋友失望。」不過她直認曾有人致電其經理人公司問飯局價。對於有人認為o靚模拍寫真和援交有間接關係,Lavina說:「唔可以拉埋一齊講,拍寫真冇出賣自尊。」
此外,同場的官恩娜近日與外籍男友蜜運,問她會否像徐淑敏及關心妍般考慮結婚?她說:「唔會,我仲有排捱,我鍾意做嘢,唔係咁想做少奶奶,同埋唔係一定要嫁有錢人。」
採訪:何永寧
攝影:陳順禎、彭琮然