年年港姐首輪面試，由於各方佳麗未經篩選啄磨，所以品質尚未有保證。結果唔少心口掛住個「勇」字嘅佳麗，都衝出嚟……

今日上晝，一眾港姐侯選佳麗，一車一車運到電視城面試，除咗有幾個養眼外，當中不乏奇人異士隱藏其中，噸位十足嘅；有、披頭散髮；都有，更有牙罅疏到可以藏指甲嘅佳麗現身。

其中着住黑色長褲、黃色外套嘅「噸位八両菜」，喺云云女士中，算係身形最健碩嘅一個。拍埋白色連身短裙、留蔭走卡娃伊路線，個樣有少少似DJ麻利亞嘅佳麗身旁，更顯壯健。至於着杏色碎花裙，眼仔睩睩圓口圓面，帶點鄉土氣息嘅佳麗，笑容都算可掬，不過打扮就有啲求其囉。

而另一位着住紫白色花點衫嘅佳麗，笑容顯得有啲尷尬之餘，仲唔覺意暴露咗獨有嘅插蘇鼻，最後介紹嘅，就係長期將兩隻手放喺小腹、似屋企個外傭Maria咁嘅佳麗，話時話，好彩呢位佳麗食飯有清潔牙齒，否則影相就有啲啲尷尬囉。