大台節目《關你家事》又爆是非，有指節目上嘅臨床心理學家林玥彤醫生被爆與趙永洪拍拖，同林醫生一齊慶祝生日之餘，仲陪對方一齊做節目。但林醫生就被指係第三者，介入趙永洪同圈外女友感情，仲話趙永洪人工得萬幾蚊，但就可以住凱旋門，因為層樓係林醫生嘅媽咪。

不過，趙永洪事後就否認戀情，話自己依家冇拍拖，層樓亦唔係林媽媽。而林醫生就直言趙永洪曾經追求過佢，今日趙永洪回覆傳媒時話唔想再講太多，但就讚林醫生係好女仔，佢話﹕「始終佢哋係圈外人，我又唔想搞到人哋，佢(林玥彤)係好女仔，唔想因為我做呢行影響到人，我哋就話食得鹹魚抵得渴啫。」