神劇《太陽的後裔》男星宋仲基現時人氣急升，賺到豬籠入水，由於咁鬼紅關係，所以宋仲基亦都順理成章成為各大傳媒嘅追訪對象，而今日就有韓國傳媒踢爆宋仲基現時所住價值25億韓圜（約1,700萬港元）嘅豪宅亦曝光。

據報道指宋仲基同屋企人一齊住喺首爾瑞草區方背洞嘅高檔別墅社區，宋仲基一家居住嘅寓所市值1,700萬港元，宋仲基仕住嘅地區不僅環境優雅，而且保安措施亦都好嚴密，有24小時保安嚴格控制非住客出入，所以除咗宋仲基之外，唔少明星都入住呢區，好似韓劇《善德女王》女星高賢貞、韓片《殺手代父》男星元斌同老婆李娜英、韓劇《巴黎戀人》金晶恩等都係宋仲基嘅鄰居。