國務院港澳辦主任張曉明噚日（6日）撰文，解讀國家總理李克強嘅工作報告，代阿爺勁讚特首林鄭月娥勇於擔當，取締香港民族黨同DQ港獨候選人參與「立法會同區議會補選」，之但係林鄭上任後，區議會補選查實都冇發生過DQ事件，公眾當然關注，係咪為年底嘅區選落定order要出手DQ啦。八方發現，國務院港澳辦喺網頁上載小明嘅解讀全文時，靜靜雞刪去「區議會」呢3粒字，唔通預示港獨派喺年底區選可以入閘？抑或係佢自己根本講大咗？

民主派議員毛孟靜話，小明一定係「鬼拍後尾枕」，自己講大咗，但又費事引來閒言閒語，令阿爺被質疑有篩選，所以刪去字眼，佢覺得成件事真係滑稽而悲哀。浸大新聞系高級講師呂秉權都話，小明讚娥特有擔當、有作為嘅同時，列出6件大事，反港獨事件佔頭2位，可想而知阿爺對特區政府嘅要求，係政治工作行先，「肯肯定」小明刪咗嗰幾粒字，唔係代表中央會對區會「開綠燈」，只係唔覺意將心嗰句講咗出嚟，變成事實上有錯誤，先要將呢個「公開的底牌」收番埋。

留意番，娥特上任之後嘅2次區議會補選，已經引入咗DQ工具「確認書」，睇落小明錯唔晒嘅，因為娥特真係交足功課，之不過小明可能都覺得心虛，話晒《基本法》104條係咪適用區會選舉，仲係一大疑問。

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb