當年今日
關於我們

【短片】【鉛水報告】市民指公務員之首林鄭卸膊:官到無求品格衰

蘋果日報 2016/06/01 06:00

林鄭鉛水報告

食水含鉛超標調查委員會報告狠批今次鉛禍是所有持份者集體失職,各方推卸責任,最終令居民受害至深,但政務司司長林鄭月娥昨指政府在事件上責無旁貸,但堅稱鉛水事件是制度缺失,無官員要承擔個人責任。市民今早紛紛在「烽煙(phone-in)」電台節目斥責高官,多名市民將矛盾直指昨日沒有道歉的林鄭月娥,周生反問:「司長唔係一路去監管住個制度嘅咩?點可以由佢腐化?點樣責無旁貸?」

蘇太就強調,報告指集體失職,即代表不是一個人負責,而是全部持份者都要負責,不只水務署署長林天星一個人負責,林是公務員,負責執行,政府中制訂制度及執行的人都要負責,「林鄭佢身為公務員之首,如果係要問責,係咪應該要落台……一味卸膊,話咩官到無求膽自大?其實我話係官到無求品格衰」。她又建議林鄭應趁機問責下台去參選特首,「體現問責制,咁樣係有承擔,到時可能有人選佢都唔定」。