當年今日

  女長毛自願入官門 - 李八方

蘋果日報 2002/01/27 00:00


西區警署噚日舉行開放日,唔少市民都一家大細去玩,啲小朋友就最高興啦,可以坐上啲「型仔」警車,又玩又影相。喺眾多嘅市民之中,八方赫然發現示威常客「女長毛」雷玉蓮嘅蹤影,究竟佢去警署搞邊科呢?莫非連警署開放日都要走去示吓威,抗議警方濫用權力?
經八方查詢下,原來「女長毛」只係嚟參觀吓,佢重幽咗八方一默,話特登嚟探吓路喎,將來俾警方拉咗都知「掟」,所以無帶橫額,只係帶咗相機周圍影吓相。佢同八方講,喺警署門口已經有警員問佢係咪示威,重一直跟住佢,連去洗手間都唔例外㖭。以「女長毛」嘅卡士,又難怪警員要提高警覺嘅。
(圖)女長毛雷玉蓮昨參觀警署,周圍拍照留念。


E-mail:[email protected]