當年今日
關於我們

【冇第8集接吻定律?】朴炯植偷吻熟睡朴寶英

蘋果日報 2017/03/09 14:15

朴寶英朴炯植大力女子都奉順金志洙

由朴寶英、朴炯植、金志洙主演嘅JTBC新劇《大力女子都奉順》(都奉順)近期贏盡口碑同收視,只係播到第4集就突破8%收視率。而朴寶英喺劇集發佈會時曾表示,如果劇集超過3%收視率就會護送5名粉絲返屋企,朴炯植及金志洙就會為100名粉絲送上Free hug。
據知朴寶英噚晚已經履行收視公約,而劇組今日亦宣佈朴炯植及金志洙將於下周二白色情人節時履行公約,到時除咗會為100名幸運粉送上Free hug外,更會護送兩位粉絲返屋企。
而《都奉順》將於聽晚播出最新一集,劇組今日公開劇照谷劇。劇情講到擔任朴炯植保鑣嘅朴寶英要留喺男方屋企瞓,進行「貼身保護」,不過因為朴寶英係綁架案嘅證人,身為警察嘅金志洙就要保護朴寶英嘅安全,變成「三人同居」。
劇照中朴炯植一臉深情地靠近熟睡中嘅朴寶英,兩人仲要好似就嚟錫到咁,繼之前同床後再次進度神速,甜蜜氣氛爆晒燈!不過另一劇照中就見朴寶英似乎都想偷偷咀嘴金志洙,唔知會唔會偷襲成功?
另外,憑《都奉順》而上位嘅金志洙,將於下月1號喺韓國舉行第二次粉絲見面會,以回饋粉絲嘅支持。
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。