平安是福，尤其對於晚境孤獨的八十一歲老婦蘇杏華而言，活得健康和平安比甚麼都重要。患有精神抑鬱和經常氣促的她，住在偏遠村落一所破舊的房子，晚境孤寂，她欲在家安裝一部平安鐘以備不時之需，卻因沒錢只能無止境地等待。

蘇婆婆說，每當夜深人靜時，常有一種莫名恐懼襲上心頭，令她睡不安寧。「自己冇人冇物，真係好淒涼，好怕死咗都冇人知。呢度試過有幾個老人家喺屋企死咗幾日都冇人發現呀。」活了八十個寒暑的蘇婆婆說到生死，仍舊不免欷歔。

大半生種菜養豬
數十年來一直居於元朗逢吉鄉的蘇婆婆，大半生都靠種菜及養豬維生，每天日出而作、日入而息，未有結婚而又舉目無親的她，只靠這份收入既不穩定又少得可憐的入息餬口，歲月匆匆流逝，蘇婆婆驚覺到頭來晚年仍是一無所有。
「養豬真係吃力不討好，有時養養吓一場豬瘟就死掉一大半，一番心血白費晒，又要花錢同佢哋打針，賺得又唔多。加上年紀又大，身體都捱壞咗，所以六、七年前已經冇再養豬。」年前因患膽石而做過手術的蘇婆婆，現時僅靠微薄積蓄和傷殘津貼維生。