這隻新近由日本抵港的占卜蛋，體積同鵪鶉蛋差唔多大小，內藏合共12種聲稱可以強化運氣的小植物，玩法簡單，先將雞蛋頂部輕輕敲碎，取出籤文睇睇整體運程走勢，再來是撕出籤文尾部附有種子的部份，放回蛋殼內澆水灌溉，最後就可以種出屬於你的幸運植物。

乍看同普通雞蛋無啥分別，但神奇在呢隻風水蛋生嘅竟然係招財貓！購買時可自行選擇要增強何種運勢，再將所屬風水蛋敲碎至貓身露出，最後按照指定方位擺放。如催谷戀愛運要放在北面、增強財運擺放在西邊等。至於能唔能夠如願以償，就要睇閣下彩數了。

同風水蛋有異曲同工之妙，但今回蛋殼內卻換上招財貓電話繩，有5種款式可選，分別可增強財運、健康、戀愛、人緣及事業運。老實，見過風水蛋後驚喜欠奉，但勝在電話繩人人都用，夠實際。

呢款有占卜用途的招財貓擺設，附有特殊泥土一包，放在盆子內淋水灌溉，若然能夠成功長出植物，代表有運行，相反，就表示運勢麻麻了。

呢隻名為Marimo的綠色怪獸，真身乃日本北海道阿寒湖的球形海藻，相傳能夠帶來幸福，不過大前提係培養得宜。要養得佢翠翠綠綠一啲都唔容易。所以話，幸福真係非必然。

睇過無綫套《四葉草》都知道，相傳呢種罕見植物能帶來幸福同真愛，想兩者兼具，不妨親手種植，鐵罐內附有特殊泥土同種子，按足罐身印有的養植方法，約3日就可以長出幼苗。

售賣點
（a）Odyssey&Co.
地址：銅鑼灣東角道24-26號東角駅1樓120號舖（28084881）
（b）VIVI
地址：旺角彌敦道580號潮流特區1樓22號舖（21368178）
（c）LaLa
地址：旺角彌敦道580號潮流特區1樓20號舖（31162945）