組合樂印姊妹的駱胤鳴在中學時迷上黃鴻升,更曾加入其歌迷會。在偶像猝逝當晚,她事有湊巧竟發夢見小鬼開騷,昨日她在Ig撰寫長文悼念,更透露因太傷心要男友陪伴。昨日《蘋果》聯絡駱胤鳴,問她當晚發夢的詳情,她以文字回覆:「記得唔太清楚,夢見佢已經好開心。」駱胤鳴又透露追星點滴:「我入咗娛樂新聞台後識咗阿感(黎國輝),佢帶我去追星,又排隊簽唱會,入演唱會後台影相,鬼哥人好好,會同我傾偈。有次佢嚟香港錄音,去咗我朋友studio,咁啱我又上去,佢認得我,仲攬住我膊頭影相。最後一次見面係喺一個頒獎禮上,我坐佢後面,問佢可唔可以合照,佢好爽快答:『當然可以!』仲叫我加油,我當晚post咗相上Ig,佢留言,我開心到瞓唔着。」