加盟新唱片公司後，聽日推出新專輯《天使禁獵區》，將於北京舉行發佈會，陳明憙今日出發前到商台宣傳新歌《遊樂》，首歌講述對抗時間，因為生命中會發生好多變化、無常令你失去人和事，所以希望令失去的有所改變，問到他最想逆轉到人生那段時間？她說：「我最大願望係返到中學時，當時我有位最好朋友，度過好多時間，到大學時有一年發生咗啲事，有一年時間無見，之後佢因為病就離開咗。」

新歌MV是勇闖冰川、懸崖、沙漠拍攝，當中驚險萬分，試過起初以為一小時路程，行了十小時，在懸崖上迷路要靠航拍機搵出路，她笑言如果大家想挑戰極地之旅又不怕迷路，歡迎跟她團出發。

林奕匡近日馬不停蹄為新歌《黑方格》做宣傳，今日他再度於商台受訪，講到今次新歌MV，是他有史以來出鏡最短的時間，同時間亦是最大犧牲一次。拍攝當天在機場附近一條隧道，事前他得知可能要騷肌，於是刻意操下肌肉及忍口不吃晚餐，但到現場見到演出舞蹈員淋上全身黑油後凍至發抖，他便不理會身型，決定進食汲取能量保暖。

拍攝時需要由頭至身淋上黑油，甚至連耳仔也入了黑油，他說：「拍完之後，現場根本啲水無衝力，根本洗唔到啲油，我咪盡量抹乾淨面同手便着件大風褸返屋企先洗，點知入屋苑閘時看更認唔到我而查問。」他笑指當晚沖了人生中最耐的涼，來日洗好幾次才乾淨，怎料翌日起身才發現浴室由頂至低都是黑點，又要再執手尾清潔。

採訪、攝影：馬建華

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇