周三晚（5日）同周日（9日）國際賽日都高手雲集，亦出現好多新鮮嘅組合，例如星期日角逐四班1400米嘅「醒目再臨」，日本籍馬主大川徹和練馬師蘇偉賢搵嚟日本頂級騎師岩田康誠壓陣。

而近少少講番周三晚頭場五班1650米，姚本輝隻「同威」就初配巴米高，「同威」上場喺李寶利胯下放頭，末段斷唔晒輸3.75個馬位得第6名，初現走勢。

巴米高近年只有國際騎師錦標賽同大賽日先返嚟香港容串，對上一次同輝哥合作數到2016年12月7號晚嘅騎師錦標賽，練者喺非錦標賽場次，將兩匹邊線份子「天心星」（16倍）同「包裝騎士」（6.2倍）交畀巴米高壓陣。

結果「天心星」與「包裝騎士」都能夠跑獲季軍，錄得百分百上名率，今次「同威」亦唔似無的放矢，大家不妨多加留意。