吳千語、翁靜晶大女劉萬儀及馬國明個「緋聞女友」徐佳琦等，今日去到尖沙咀出席鐘錶品牌活動。

劉萬儀首次以模特兒身份出活動，佢以火紅低胸裝性感示人，問到佢覺得自己今日表現值幾分？萬儀表示：「我有啲緊張，所以70分啦！」今日打扮係性感低線？佢話:「喺香港算係偏性感，但外國就唔同。如果要再性感啲都會同媽咪講，不過喺屋企就會，出面就唔會。」

有指翁靜晶反對萬儀入行，今日活動上亦未見其踪影，對此萬儀就話:「我有邀請媽媽出席，但佢話有嘢做所以唔嚟。」萬儀強調媽媽無嬲自己：「佢好支持，今次佢真係有工作，佢都有叮囑我做嘢要小心同做返自己。」佢又指希望將來可以加入電影圈做武打女星，繼承父親衣缽。