讀者林先生因有好友在英國，多年來均使用國際直撥長途電話（IDD），為了節省通話費，以往一直登記多間網絡商，比較各家優惠，「擇平而傾」。自從通話費近乎零的VoIP興起後，精打細算的林先生即改變策略，傳統的IDD變為其「召喚」海外朋友的工具。
林先生解釋：「先用IDD睇吓英國嘅朋友得唔得閒，或者等佢見到我個來電顯示，知道我搵佢，跟住大家就慢慢用VoIP傾偈！好多時大家都唔使用IDD通話，淨係響吓對方個手機，就明白乜嘢意思！」

新的通話習慣，令林先生的長途電話費用，由平均每月超過200元，變成數十元一個月，節省超過八成通話費。
可是林先生近日發現，ec電訊徵收的通話費大幅上升，細閱賬單，發現通話紀錄與以往不同，全是清一色「齊頭數」，大部份更是剛好一分鐘的通話，經了解後發現，該公司改變了以往每6秒收費的模式，改以每1分鐘作為收費單位，即講1秒也收1分鐘通話費。
「用IDD打畀英國朋友個手機，叫佢用VoIP覆我，通話時間連響帶講，最多20零秒，計到盡都係收半分鐘錢！以往每分鐘收費約2元，再用6除開收費，𠵱家就響1秒都收近2元，所以通話費就貴咗好多。」
林先生認為收費方式不公道，且不滿ec電訊改動收費前沒有專函通知客戶。「淨喺月賬單嗰尾度，細細隻字寫每分鐘計，咁一直用開6秒計，邊會留意到改咗！」

ec電訊函覆，自今年4月1日起，以IDD1507致電中國、美國、加拿大、英國及澳洲固網的長途電話收費，由每6秒作計算單位，改為以每分鐘計算，至6月16日起，致電所有國家或地區，也開始全面以每分鐘作為長途電話收費的計算單位，此純為商業決定。
因應新計費方式，該公司在生效期前，已透過賬單提示及於公司網站內通知客戶。本報轉介有關個案後，ec電訊承諾豁免林先生部份收費。
檔案編號：1004081