鄧紫棋（G.E.M.）上個月以火紅大露背泳衣慶祝27歲生日，又趴喺蚌形水泡上面晒出圓渾蜜桃臀，唔介意展露曲線，同清純玉女形象講拜拜，當時有人留言話接受唔到佢轉行性感，仲叫佢着番衫。（新聞連結： http://bit.ly/2OUJMqa ）

G.E.M.聽到fans嘅呼喚，日前為大陸節目《中國新說唱》錄影時，真係着晒衫喇，仲係一條包到上頸嘅連身裙，驟眼睇落係黑畫布上面倒瀉咗啲黃、白色油漆，佢喺ig貼番相出嚟，仲提大家搵下亮點，結果留言群情洶湧，因為條裙大腿位置係黑面薄紗，而G.E.M.為咗貪靚，入面只係着咗條黑色丁字褲！

今次網民睇慣咗佢性感喇，讚佢「感覺腿好長」、「好美啊」，但有人食咗誠實豆沙包，留言：「至於裙子，若說了真話，怕妳不高興。」

精選娛聞，喺晒《娛果》
http://fb.com/appledailyent