「男人幫」任賢齊，黃家強，蘇永康，梁漢文，喺十一就會喺香港紅館開騷，最近佢哋就去到台灣宣傳新唱片及演唱會，咁啱連續兩日台北都有地震。

四個男人遇上第一次地震係15號晚上凌晨，蘇永康最初以為酒店有鬼：「最初真係以為唔通有鬼，開燈之後發覺唔單只張床搖，連地燈都搖，先察覺係地震。我曾經有諗過係咪換件衫，怕一陣真係要走落街，啲人認得我，冇理由著睡衣架。」

梁漢文及黃家強就大覺瞓，對地震沒感覺，梁漢文話：「我知係地震，因為我當時未瞓著，不過我同陳奕迅好多年前經歷過台灣超級大地震，當時我拉住老婆同呀臣走落街，連街燈都係到搖！所以今次小兒科。」

小齊返台灣屋企家，佢話「我屋企之前因為台灣打風，玻璃窗入晒水，浸晒個地板牆身天花，我今次番嚟除咗工作，重係要搵人幫手搞番好裝修，個晚地震，我只係心諗個窗未搵人整，唔好再震，咪一陣有咩事，連個大窗都震裂埋，飛窗落街整傷人我都唔知點算。」