改編自韓國同名人氣漫畫、由男團ASTRO成員銀優及女星林秀香主演嘅JTBC新劇《我的ID是江南美人》(江南美人)，仲有兩集就大結局，噚晚播出第14集，劇集收視微升至5.033%，港劇迷亦可透過Viu追劇。

承接上集講到林秀香鼓起勇氣向銀優表白，兩人終於正式交往。第二日銀優等林秀香返學，但林秀香好避忌，銀優即時買口罩避免被同學見到，點知二人戴咗口罩喺學校出現就好奇怪，最終佢哋決定唔戴口罩，又認為只要唔拖手就冇人發覺，不過銀優媽咪好眼利，一眼就睇到二人拍拖，仲興奮話唔阻住佢哋。

銀優同林秀香拍拖拍得好小心，只敢喺巴士上拖手仔。同林秀香同住嘅好友返咗屋企，林秀香就邀請銀優到屋企作客，銀優開心得想入非非，點知林秀香發現爸媽來咗，於是又要等爸媽走咗後先再叫銀優到屋企，林秀香煮飯畀銀優食，兩人互相問對方幾時開始鍾意自己，情到濃時銀優從後攬實林秀香，由於兩人仲未有親密舉動，唔知下周二人會唔會甜蜜升級，大演咀戲呢？

精選韓流，喺晒《娛果》
http://fb.com/appledailyent