韓國女團少女時代(少時)28歲成員秀英，與35歲男星鄭京浩喺2012年開始拍拖，於14年公開戀情，兩人拍拖多年依然恩愛，雖然甚少公開放閃，但當對方忙於拍新劇時，又會互相送咖啡車為對方打氣。

秀英噚日孖住少時隊友徐玄喺Instagram開直播同粉絲溝通，鄭京浩亦睇埋一份，仲Keep住留言，引起粉絲關注。秀英喺直播中表示自己早前忙於拍新劇《所以和黑粉結婚了》及新片《盡頭的回憶》、《女警》，又指因為拍《女警》要不斷咁學鬧人，覺得比想像中難，鄭京浩隨即洗版式留言：「鬧人精」、「請你鬧我喇姐姐」、「好期待新劇」、「會唔會有吻戲？」十分搞鬼。

直播完結前，鄭京浩更起哄叫秀英唱歌，搞到秀英都好無奈地表示：「請你暫停留言。」隔空放閃勁Sweet。秀英隨後又喺Ig上載與徐玄嘅合照，獲粉絲大讚可愛。

精選韓流，喺晒《娛果》
http://fb.com/appledailyent