【新增內容】
韓劇《和遊記》、《狐狸新娘星》嘅45歲女星金志秀噚日孖李瑞鎮宣傳新片《完美的他人》，原定今早有採訪活動，不過金志秀就遲到40分鐘才現身，現身5分鐘就又離開。據了解金志秀姍姍來遲唔係因為塞車關係，而係因為佢喺醉酒情況下，無法進行採訪，即時惹來爭議。

據了解，金志秀因為噚日完成電影宣傳後，就與劇組人員飲酒慶祝，一直到今朝早上才醉醺醺到達採訪場地，因為仍然酒醉未醒，所以不能進行採訪活動，令相關人士及傳媒都大感震驚。而金志秀因為醉酒關係，今日嘅其他採訪活動都被迫取消，至於今年嘅宣傳活動是否會影響仍屬未知之數，《完美的他人》方面就指仍在討論中。

而金志秀於傍晚時份就發聲明道歉，表示今次是事隔很久拍嘅電影，所以完成宣傳後就參加之後嘅活動，但因為很久冇飲酒，所以感覺狀態比想像中差。又指：「我個人認爲一定要配合電影宣傳，有責任感地接受採訪，但結果反而變得不好，感到好悲傷同抱歉。」對於喺記者前失態感到羞愧，對此佢就直認會盡自己責任去謝罪，同時再次表示抱歉。

精選韓流，喺晒《娛果》
http://fb.com/appledailyent