相信唔少人細個嘅時候都有玩過LEGO，唔講唔知，原來今年係LEGO 60週年。荃灣廣場聯同LEGO決定搞搞新意思，用LEGO建造一個大型遊樂場，俾大家重拾當年玩LEGO嘅童心。

7月20日至9月2日期間，荃灣廣場將會有一個設有五大互動遊樂區的大型LEGO遊樂場，包括以LEGO顆粒砌成高度達3米的經典2×4 LEGO紅色顆粒打卡位、4米高的巨型LEGO裝置屋及2米滑梯、氹氹轉及搖搖板的「玩轉遊樂園」、黃色小鴨池及彩色花圃的「百變小鴨池」、車長5米的雙層樂高開篷巴士及一嚐LEGO極速賽車滋味的「極速天地」，以及運用平版電腦，智能遙控的「搞『軌』火車站」，到時大家可以瘋狂打卡啦！

除了互動區外，場內更會展出由丹麥總部特別運送、並首次於香港展出不同年代及經典的LEGO®展品。更會展出由LEGO達人合力製作展示過去60年具代表性的世界大事模型。期間限家店當然不少得有會場限定的商品，如有LEGO 2×4 經典樂高積木筆筒、60週年紀念火車及60週年紀念貨車。LEGO迷一定不可錯過！

活動詳情
日期：7月20日至9月2日
地點：荃灣廣場

發掘更多身邊的小城故事，請LIKE 蘋地Facebook Page，並設定為「搶先看」： https://fb.com/appledailyland