鄧紫棋（G.E.M.）日前喺台灣嘅桃園棒球場舉行「動紫大盛」音樂會，有近12,000位粉絲同棒球員捧場。剪咗短髮嘅G.E.M.穿上桃猿棒球隊嘅球衣，企喺投手丘上面，佢接連唱出《多遠都要在一起》、《泡沫》、《再見》和《喜歡你》等歌。唱到慶起G.E.M.仲走到看台區，同歌迷玩大合唱，引起現場出現一陣騷動，嚇到啲保安即刻圍起人肉城牆，保護G.E.M.。對於呢次喺球場開騷，佢話：「可以跟歌迷大合唱，演唱會是不可能的。這是我第一次來到球場表演，這場音樂會宛如我人生第101場演唱會啦！」佢又宣布明年初會到台灣舉行巡迴個唱。而上月佢剛剛喺武漢舉行嘅巡迴演唱會，就係佢人生第100場個人演唱會。