【遊韓必買】韓國Innisfree推旅行化妝掃 一柄在手點換都得
蘋果日報 2018/09/23 00:03
韓國
女生去旅行時，少不了要在云云的化妝品中，篩選出最輕便的用品，還要帶上一支支難收藏的化妝掃，實為難事！
韓國品牌innisfree 推出創意新品My Changeable Brush系列，把化妝掃的掃頭與掃柄分拆，只需帶上一支掃柄及需要的掃頭出門即可，使用時把需要的掃頭套上掃柄就得，按一按掃柄末端的按鈕就能移除掃頭，十分方便。
粉色掃柄配上玫瑰金色掃頭少女感十足，整個系列有7款掃頭，包括粉底掃頭、胭脂及陰影掃頭、碎粉掃頭、鼻影掃頭、唇掃頭、眼影掃頭和眼線掃頭，更有4款掃頭配掃柄及透明小袋子的套裝。innisfree化妝掃一般$130-$40，記者覺得套裝買的話更加抵用。
新品於韓國率先發售，而香港並未推出，通常香港於韓國推出三個月後發售，加上香港定價一般比韓國貴。想入手便要到韓國或者請朋友幫忙購入！不過，雖然這個系列美觀度、創意及方便性十足，但掃毛品質就要真正試過才知曉！
文：黃婉淇
innisfree My Changeable Brush系列。
4款掃頭配掃柄及透明小袋子套裝（₩23000 約$160）。