以霸氣入樽見稱的錫安威廉臣（Zion Williamson），今季NBA以新秀狀元身份加盟塘鵝，不過季前賽膝部受傷缺陣至今復出無期，有傳今季亦不會上陣；今集【體Channel】「體Pro」，由物理治療師謝達暉主持，籃球教練趙志華、陳永勝，籃球體適能教練張啟倫等嘉賓，從錫安BMI、傷患史分析，如何改善體格，避免步拓荒者中鋒奧丹後塵，因傷患而變成水貨狀元。

幾位教練都認為威廉臣的體能非常「勁爆」，但謝達暉指威廉臣以新秀球員來說體型偏胖，其中一張相片看到威廉臣坐下甚至有一個「大肚腩」，趙Sir甚感認同，他建議：「首先威廉臣必須減磅，其次係增加肌肉量，第三要學識保養自己嘅身體，最後要學識點樣打波，唔係下下衝就得，連埋季前賽NBA一年可能有100場，佢280磅每日膝頭都受咁大壓力好難維持生涯。」謝達暉再補充BMI的數字顯示，從圖中可以看到威廉臣領先眾多NBA球員，就算金塊前鋒祖域亦望塵莫及，體適能教練張啟倫說：「要唔要減磅要睇佢打咩位置，威廉臣打4號位，6呎7左右係比較矮，但佢起跳高度好高，體重重咗啲，而且偏肥胖。」

同樣曾受膝傷的陳永勝提出一些保養上的技巧給香港的籃球運動員或愛好者，他建議：「生活幾忙好要keep住保養，例如打波前嘅熱身，打完後做cold down。大家都市人如果有時有啲比賽好想打，都有啲物資可以幫到保養，好似比賽用肌貼布或用按摩槍按摩球按鬆啲肌肉。」籃球訓練上趙Sir亦提出應該老少有別，他以一次中國國家隊請外國教練時的做法為例，一時較年長的球員可以做完一些體能訓練會先休息，而年輕球員會繼續。訓練上趙Sir亦認為應該「質」比「量」重要，他指：「20-30次十成力的動作效果會比100次三至五成力的動作。」

--------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports