當年今日

馮仁昭四圍超:何超雲否認氣功治賭王 - 馮仁昭

蘋果日報 2009/10/05 00:00


賭王何鴻燊喺養和留醫,噚日大房嘅超賢同超英,二姨太藍瓊纓同超瓊,三房嘅超雲(圖)同猷啟都有去探賭王。問超雲有傳陳婉珍安排氣功師幫賭王醫病,佢話:「梗係冇。」四姨太梁安琪喺黃昏時嚟,問到氣功傳聞,佢話:「我喺澳門返嚟,等我了解吓先。」超儀噚日宣傳新片,佢話賭王都想出席首映,超儀仲話:「如果套戲有得爭獎,可能老竇開心到彈起身。」另外,吳婉芳同老爺奶奶及幼女都喺醫院現身,佢話嚟普通檢查。