已經52歲嘅荷李活型男湯告魯斯（TomCruise）寶刀未老，呢幾日佢都身在奧地利維也納開工，日夜趕拍矚目新片《職業特工隊5》（Mission：Impossible5）。

靚佬湯前日同劇組喺維也納歌劇院天台視察環境，噚日就正式投入拍攝，佢日頭同導演基斯杜化麥戈里（ChristopherMcQuarrie）討論一輪後，之後攬實女替身被吊到半空度位，乜都親力親為，相當專業！

到咗夜晚，靚佬湯着了片中嘅西裝戲服，新加入嘅瑞典女星「湯女郎」RebeccaFerguson就着住靚靚晚裝上陣，佢兩個扣好安全帶，見到遠處嘅記者仲友善揮手，從歌劇院天台上演半天吊嘅驚險情節，Rebecca應導演指示，即場使出鉸剪腳箝實靚佬湯，相信精彩場面會陸續有嚟！