雖然今個夏天就艾華路莫拉達會由皇馬轉會曼聯嘅傳聞甚囂塵上，不過，皇馬會長佩雷斯喺接受西班牙電台《Onda Cero》訪問時指，並沒任何球會對皇馬球員出價。佩雷斯話：「呢個夏天我哋冇接到任何球會對我哋球員嘅出價，C朗（基斯坦奴朗拿度）冇、艾華路莫拉達冇，J洛（占士洛迪古斯）亦冇！」不過，佩雷斯亦強調，就算真係有球會出手，佢仍然希望可以留住上述嘅球員。