韓劇《華麗的誘惑》嘅38歲男星朱相昱和同劇31歲女拍檔車藝蓮上月25號拉埋天窗，兩人仲飛咗去夏威夷度蜜月。

0依家仍然處於新婚之樂嘅車藝蓮就好鬼甜蜜，平日就做賢妻照顧老公嘅起居飲食，車藝蓮仲煮得一手好菜，一有時間就會炮製大餐餵飽老公仔，當中車藝蓮仲會將啲食物整得十分精緻同美麗，令人唔捨得破壞佢嘅美態食落肚，單係食物嘅擺設而令人目不暇給，睇嚟車藝蓮真係入得廚房出得廳堂。

唔少網民睇到啲美食相都紛紛留言話好羨慕朱相昱，竟然娶到一個咁叻煮嘢食嘅老婆，有網民就擔心長此下去朱相昱有機會變成大肥佬，到時上鏡就會唔好睇。