JJ開騷大晒廣東話：等大家以為我係香港人
蘋果日報 2013/10/27 06:00
紅館JJ鍾鎮濤林俊傑阿B我的驕傲ShaLaLaLa林俊傑時線世界巡迴演唱會——香港站
林俊傑出道咁耐，終於嚟到香港開演唱會。- 一身米高積遜歌衫現身。
- 仲要喺台上玩水，現場勁high。
- 點少得大晒肌肉呢。
- 0依一身歌衫成個才子咁，真係文又得舞又得。
- 同阿B喺台上大唱《ShaLaLaLa》。
- 容祖兒仲話係專登調正時間嚟做JJ嘅表演嘉賓。
林俊傑(JJ)噚晚喺紅館舉行一場「林俊傑時線世界巡迴演唱會——香港站」，容祖兒同鍾鎮濤(阿B)擔任表演嘉賓。JJ喺台上先後彈結他及彈鋼琴，又用廣東話冧粉絲：「香港朋友，我終於嚟，時間真係好曳，出道咁耐，成日都話來香港，但係到依家先開，好多朋友都話等咗好耐，所以練好廣東話，等大家以為我係香港人。」之後JJ又以韓文和英文向歌迷講「我愛你」。
JJ表示入行以來都好努力工作，為目標而工作，有時會俾自己好大壓力，所以今次亦有好大突破，就係突破學跳舞。
之後阿B哥上台時，自嘲驚觀眾認得自己，因為佢已經有一段時間冇喺香港出現，又自言要同JJ合唱一首由7至70歲都識唱嘅歌，結果——佢哋合唱咗溫拿嘅《ShaLaLaLa》，全場觀眾high爆。
到祖兒出場，兩人合唱《我的驕傲》，祖兒話：「好開心你來香港開演唱會，原本我要到內地工作，經過多番調正終於可來做嘉賓，我和JJ識了很久，好欣賞他。」JJ亦禮尚往來大讚祖兒人美兼聲音如天籟，祖兒就再加碼、踢爆JJ將會再來港開騷，到時希望可以再度合作。
到安哥環節時，JJ以一身米高積遜(MJ)歌衫出場載歌載舞，台上更有一個小型水池，JJ大玩濕身誘惑兼騷肌肉，並大演MJ招牌傾斜舞姿及摸下體動作。完騷後他接受訪問時說：「蠻不錯，好開心，歌迷都已準備好，令我好感動。」他亦透露明年將計劃再來港開騷，現時已入了紙申請，到時環節亦有所改動。對於林志穎催促他早日生小孩，他笑言和林志穎平日有見面，他說：「在台灣見他的兒子長大了不少，為了他的的祝福我會多番努力，但暫時未有對象。」
JJ表示入行以來都好努力工作，為目標而工作，有時會俾自己好大壓力，所以今次亦有好大突破，就係突破學跳舞。
之後阿B哥上台時，自嘲驚觀眾認得自己，因為佢已經有一段時間冇喺香港出現，又自言要同JJ合唱一首由7至70歲都識唱嘅歌，結果——佢哋合唱咗溫拿嘅《ShaLaLaLa》，全場觀眾high爆。
到祖兒出場，兩人合唱《我的驕傲》，祖兒話：「好開心你來香港開演唱會，原本我要到內地工作，經過多番調正終於可來做嘉賓，我和JJ識了很久，好欣賞他。」JJ亦禮尚往來大讚祖兒人美兼聲音如天籟，祖兒就再加碼、踢爆JJ將會再來港開騷，到時希望可以再度合作。
到安哥環節時，JJ以一身米高積遜(MJ)歌衫出場載歌載舞，台上更有一個小型水池，JJ大玩濕身誘惑兼騷肌肉，並大演MJ招牌傾斜舞姿及摸下體動作。完騷後他接受訪問時說：「蠻不錯，好開心，歌迷都已準備好，令我好感動。」他亦透露明年將計劃再來港開騷，現時已入了紙申請，到時環節亦有所改動。對於林志穎催促他早日生小孩，他笑言和林志穎平日有見面，他說：「在台灣見他的兒子長大了不少，為了他的的祝福我會多番努力，但暫時未有對象。」