伍允龍日前出席電影首映，搵埋女友鍾嘉欣捧場，兩人戀情浮面，而伍允龍今日喺灣仔接受電台訪問，佢覆述鍾嘉欣觀後感話：「佢話驚嘅程度啱啱好，又有笑位。」

另外，講到鍾嘉欣喺新劇中，有好多動作場面，佢話：「我未有時間睇，但知道現場武指好專業，會顧及演員安全。」

伍允龍仲話呢輪各方面都好好，問到會唔會再好啲結婚？佢話：「私隱同以前一樣，若有大計劃會講。」