伍允龍和鍾嘉欣不時傳出分手，近日又指男方搭上巨胸新歡，而嘉欣BB亦有新的追求者，她更一度患上抑鬱症。前晚伍允龍到圓方出席首映，問到巨胸新歡傳聞，他笑言：「報道中冇話我二打六已經有進步，我簽咗王晶工作多咗，所以搵番個助手，個女仔係教會姊妹，之前都幫過香香（岑麗香）同嘉欣。」
女助手是否嘉欣介紹？伍允龍表示大家之前已識，因是教會朋友，大家看完報道也得啖笑。至於傳嘉欣BB有新男友，伍允龍淡定表示：「以我所知係冇。」男友只有他一個？他笑稱：「我都知大家會問，總之我同嘉欣關係一樣冇變。」
採訪：溫敏芝
攝影：黃偉雄