加拿大小天王JustinBieber今日喺Instagram上載咗奧蘭多布魯（OrlandoBloom）嘅喊樣，寸佢日前喺西班牙餐廳入面打佢打唔中。

佢哋口角繼而動武嘅原因，原來同奧蘭多嘅前妻MirandaKerr有關，而Miranda更趁自己成為話題人物，就食住個勢推出自己代言嘅牛仔褲嘅廣告相。

Miranda喺宣傳照入面半裸上身，喺床上面擺好誘人嘅甫士，其中一張仲同男模好親密，真係令人睇到牙癢癢。真係唔怪得奧蘭多同小Justin會為咗佢而大打出手。