記者日前聯同長者安居服務協會的職工探訪鄭婆婆，以了解她的需要，身材瘦削的鄭婆婆其間一直托着頭，倚在櫈子上，精神十分差。「我呢排成日都係咁，個人好攰，唔係咁精神。」鄭婆婆氣若游絲地說。
鄭婆婆自出娘胎以來，便飽受先天性心臟病困擾，近五、六年情況愈趨嚴重，除了要長期服用藥物外，更要借助氧氣機維持正常呼吸。「𠵱家每晚瞓覺都要開着部氧氣機，如果唔係，條氣會好促，唞唔到氣。」過去一年，鄭婆婆便多次因呼吸困難入院，無依無靠的她，每次都要自行報警求助。
子患精神分裂症
「每次報警，我都要花好多時間同啲報案中心講我做乜事、有乜唔舒服、住喺邊度，唔精神重要講咁多嘢，梗係辛苦啦，但有乜法子，冇人幫到我。」鄭婆婆無奈說道。
鄭婆婆丈夫早年同因心臟病過身，兒子患有精神分裂症，非但不能照顧鄭婆婆，許多時還要鄭婆婆為他操勞。「以前老公喺度，都叫做有個照應，𠵱家得番個仔，佢自己都顧唔掂，兩餐都要我煮畀佢食。」
鄭婆婆有感自己的身體狀況欠佳，萬一發生意外，後果不堪設想，她遂聽從醫務社工的建議，考慮裝設一部平安鐘，以備不時之需，惟經濟拮据難以如願。鄭婆婆並非獨居長者，根據現行政策，她將不獲政府資助安裝平安鐘的費用，所有租機及服務月費均要自行承擔。