潮媽Yumiko抱女行街
梁浸浸咬手指　任人撩

蘋果日報 2016/02/28 00:00

【爆相爆片】鄭希怡（Yumiko）去年4月誕下囡囡梁子柔（梁浸浸），梁浸浸眼仔睩睩加上鬈毛髮型，得意程度爆燈，好多哥哥姐姐都對她愛不釋手，好似媽咪好友Twins、容祖兒及應采兒等都爭住集郵。大前晚近7時，讀者陳太透過本報「爆相爆片」，表示見到Yumiko帶囡囡及家傭到又一城行街，但未見老公梁學儲（Andy）同行。
empty
潮媽Yumiko日前抱住囡囡梁浸浸去又一城行街。
讀者提供圖片
empty
梁浸浸好受歡迎，被店內姐姐撩腳仔，依然啜手指晒萌樣。
empty
Yumiko單手抱住梁浸浸，另一隻手拎起床上用品試質地。
empty
Yumiko幫囡囡在facebook開戶，並拍下梁浸浸伸脷的得意片段。
互聯網圖片
唔喊唔扭計超乖豬
潮媽Yumiko穿上一件灰色長褸，抱住着到紅噹噹的梁浸浸走入一間化妝品店，三、四名售貨員見梁浸浸咁可愛便忍不住逗她玩，難得梁浸浸完全不怕陌生，俾人撩腳仔依然自顧自咬手指。Yumiko似乎未有收穫，在店內逗留約五分鐘便抱住囡囡再去附近一間家品店看床上用品。做媽媽真是不怕辛苦，Yumiko全程單手抱住囡囡，另一隻手就揀貨品，陳太說：「見Yumiko摸吓啲床單質地，佢囡囡好乖好得意，完全冇扭計喊。」之後，Yumiko就將梁浸浸放在嬰兒車內，與家傭再到超級市場購物。
昨日Yumiko將梁浸浸的伸脷相貼在囡囡的facebook，其後她在尖沙嘴出席活動時說：「個女未識講嘢，
empty
Yumiko昨日收工後獨自去ifc行街，但冇收穫便離開。