廖碧兒昨日在九龍灣MegaBox出席麥兜夏日活動揭幕禮，與現場小朋友玩遊戲，其間不時俯身大晒事業線，先談近況，她說：「之前去咗佛山宣傳電影《葉問前傳》，啱啱先去完上海電影節返嚟。」

渴望生兒育女

現場見廖碧兒上圍稍為縮水，她說：「係咩？可能因為拍咗《葉問前傳》愛上咗打功夫，搵咗葉準同冼國林兩位師傅教我，運動量大咪瘦咗啲囉。」問她是否鋪路做打女？她說：「家係為興趣學詠春，如果公司安排我走打女路線，都冇問題。」
碧兒又透露稍後會拍新劇《居家兵團》，與汪阿姐合作，飾演兩個孩子的母親，她說：「我5歲已經想做媽咪，嗰時媽咪就買咗個椰菜娃娃畀我玩。」記者指她大可隨時做媽咪，因為已經有人standby等她，她即扮懵說：「邊有呀？我已經有7個仔女啦（指愛犬），家最緊要係工作呀。」
採訪：GraceHo
攝影：MatthewLam