無綫資深藝員，常被派演富商、父親角色的江漢（原名姜永明），昨晚在療養院離世，享年78歲。華南電影工作者聯合會（影聯會）負責人發接受《蘋果》電話訪問時證實死訊。

據悉江漢年輕時好杯中物，晚年患有管脈炎，令行動不太方便，早前曾入院，之後轉去療養院。而江漢與太太都是鳳凰影業公司出身，其妻已通知影聯會江漢叔昨晚走了。

前無綫藝員梁健平昨晚亦收到江漢叔死訊，他說：「噚日江漢叔個女嘅朋友發短訊通知我，話江漢叔噚晚走咗，但冇講詳情。聽到梗係好唔開心啦，江漢叔係一個大好人，以前試過同佢拍《太極》呢套劇，一齊返大陸成個月，我哋都係住埋同一間房，佢為人好客氣好有禮，知我哋伙食唔係咁好，都自己攞錢出嚟請食飯。」

羅樂林同江漢份屬好友，但近年少了聯絡，羅樂林晚上接受傳媒訪問時稱：「以前成日同佢一齊出嚟食飯飲酒，不過呢幾年佢成日病，已經好少出嚟，我都成年冇同佢聯絡。聽到佢走咗，都好無奈。人生就係咁無奈。佢係一個大好人，由當年小生做到而家，都係一個大好人，最緊要佢走得舒服。」

江漢叔與妻子王小燕都屬鳳凰影業公司出身，縱橫影視壇已數十年。童星出身的他，演出逾二百部電影，演過無數劇集。年輕時的江漢高大俊俏，是長城和鳳凰電影的當家小生。1979江漢加入麗的電視開始電視生涯，拍過《武則天》、《劍神》、《至尊無上》等劇，92年轉投無綫，遺作是《回到三國》。

江漢當演慈父角色，令人印象深刻是《烈火雄心》飾演古天樂、鄧一君的父親。現實生活中，江漢亦是一位慈父，08年因為愛子心切，誤墮電話騙局，被誘騙20萬元，最終因騙徒被監聽，未有蒙受損失。