【本報訊】為加快公屋輪候冊流轉速度，房委會決定收緊富戶政策，令公屋居民人心惶惶。有剛退休的單身公屋居民獲取一批退休金後，資產限額隨時超標被當局「叮走」，直言無能力在私人市場置業，「新措施逼到我哋啲長者退休之後仲要供樓」；也有持有物業的公屋居民坦言，物業原本預留予女兒成家之用，若要交還公屋單位，「即係要我住劏房！」
今年55歲、剛退休的徐先生，獨居葵盛東邨。徐先生表示，早前退休獲得一筆退休金，現時富戶政策改為單軌制後，資產必超出限制。他坦言已經退休，無計劃也無能力購買物業，「供樓好辛苦，我又無能力喺出面買到個好少少嘅單位，好似嗰啲私樓單位得128呎係好平，但嗰啲唔係一個家呀？」
現居於葵涌邨的公屋居民張女士（化名），一家四口08年搬入葵涌邨，她與丈夫分別育有一名9歲及14歲女兒，目前只依靠丈夫一人維持生計，即使收緊富戶政策，其家庭入息及資產限額均無超標。
不過，她去年以父親的積蓄購買了一個在元朗、約300呎的單位，即持有私人物業，在新政策下需交還公屋單位，「自己爸爸喺大陸生活，（買層樓）當幫佢儲錢，亦希望將來可留畀個女大個住。」但她指該單位太細，一家四口無法居住，若要交還公屋單位，「咁即係要我住劏房！」

長毛滿60歲獲豁免

至於本身屬公屋住戶的立法會議員「長毛」梁國雄月入達95,180元，在現有富戶「雙軌制」下，即住戶入息及資產需同超出限額才需遷離公屋，故他可在公屋居住，但新措施下其月入料會超出限額5倍。
不過，根據現行政策，年滿60歲的長者可獲豁免申報資產及入息，故已年過60歲的長毛相信可獲豁免，不受新措施影響。
■記者鍾雅宜、譚靜雯