阿群現時的心情說多矛盾便有多矛盾。「呢個月社署開始減綜援金,我𠵱家呢度租金四千蚊,如果唔係咁啱有間公屋畀我,我哋繼續喺度住,就要自己每個月貼幾百蚊。不過搬一次屋要好多錢,社署又冇搬遷津貼,我都唔知點算。」四十五歲的阿群歎道。
阿群育有一子一女,十六歲長女就讀中五,現正等候放榜;十一歲幼子今年九月升讀中一。阿群與前夫於九五年感情出現問題,當時阿群獨自搬出居住,任職售貨員,待生活穩定下來後,才將子女接回同住。四年後夫婦雙方協議離婚,未幾問題便出現。
一對兒女用功學習
「當時我掛住做嘢,根本冇時間睇住仔女,細仔幾日冇返學我都唔知,大女又變得反叛,加上我又有甲狀腺病,要定期覆診同食藥,咁我惟有唔做份工,全心全意照顧佢哋。」阿群說。可幸她的努力並沒白費,如今一對子女尚算乖巧,長女還懂得為自己未來鋪路,具有運動天份的她打算報讀工業學院有關運動的課程,希望學得一技之長,畢業後覓得一份收入穩定的工作。
阿群辭掉工作後,一家三口領取綜援金過活,租住唐樓一個狹小單位,生活本來尚可應付,可是女兒年前患上皮膚頑疾,需要定期前往廣州專科病院看中醫,每月花費多達一千元,阿群左支右絀,十分吃力。