早前超強颱風「山竹」蹂躪香港，令多區嚴重受災。當中，西貢更成為遊艇重災區，幾十架遊艇被吹翻損毀。

不過也有逃過大難之人，好似練馬師苗禮德咁，原來他有遊艇停泊在西貢，但就泊於風浪較細的海港內圍，因而避過一劫。

當事人如此好彩，跟手就在上周六（22日）連中三元，運氣真係話嚟就嚟！

既然自己當老肯，苗禮德肯定會乘勝追擊，加上近期他與利敬國合作如魚得水，今晚（26日）二人更大手交易四駒，後者恍如苗廐影子主帥，地位吃重。

今晚谷中第二場五班1800米「皇牌」，上季轉投苗廐至今未贏馬，評分降至新低的33分，或是時候反彈。

這次跑五班1800米，本身在賽前9月19日試泥閘跑第三，狀態有水準，又幸運地抽到第4檔起步，兼有鬥志十足的利敬國壓陣，「皇牌」可望取得本身在港首捷。