白健恩（小白）同張國強喺荃灣為保健品牌「衍生」拍平面廣告，張國強健康形象唔使講，但係白健恩做親都係奸角，之前於《法網狙擊》連高海寧都俾佢強姦，佢話雖然之後喺無綫新劇《師傅明白了》都唔係做好人，不過只係騎呢搞笑，希望唔好影響佢代言人嘅形象。

話咁快就大年初一，問小白會唔會同傳聞中女友莊思敏一齊過年？小白話會喺工作中度過。咁年初五就係情人節，小白又話莊思敏好多人約，唔知對方到時得唔得閒喎。

好心要約人就主動啲啦﹗