位於西營盤正街的屈臣氏與華潤堂今早均有口罩賣。，屈臣氏排頭位的長者4時半已抵達，隨後排隊人龍更沿正街出德輔道西（海味街）「打蛇餅」至東邊街街，目測約有350人。直至9時半開鋪，店員才開始派籌，20盒口罩籌號迅間派完，大批向隅市民隨即鼓譟，在店外大罵店員「唔早啲講」，「唔早啲貼紙出嚟通知」。有搶購口罩市民指政府無能才造成搶購潮，更稱對林鄭政府「唔係失望，係無期望！」

今早6時半前已到屈臣氏排隊的戴女士（70歲），只排到第50位，她事後離開食完早餐再折返，指住店員大罵處理失當，十分勞氣。「我全屋7個大人得一盒口罩，用唔到好耐，先要嚟買，你（屈臣氏）應該一早知有幾多盒賣，未開鋪就要早啲貼出嚟，咁排第21嗰個就認命，無謂再等！而家咁好混亂」。若她一早知道無望，可往對面街排街華潤堂排隊再博一博。

華潤堂全線今早亦有口罩到貨，但大人小孩款各只有60個盒，每盒30個裝的口罩售價55元。由於華潤堂並未一早在網上公開，亦未於店面貼通告，故排頭數位皆是路經入店查問才知。葉先生則是昨晚由妻致電各連鎖店得知，他今早8時半吃完早餐才到來排隊，也排第4位。他大嘆「香港人好慘」，政府醒覺得太遲，未有做好準備，但他希望香港人不要太悲觀，否則「個個係咁就會亂！」

而排120以內的郭先生和陳小姐，今早收到消息亦聞風而至。最終只能各購得一盒小童口罩。陳小姐認為香港人要搶口罩、搶糧食，全因林鄭要「懲罰香港人，因為唔聽話」。她斥政府早前還聲公開指毋須戴口罩，後來「知衰咗」，再見記者時也要面對現實，戴回口罩，「你估佢哋唔驚死呀！袁國勇都話冇戴口罩唔好出街」。陳小姐更指對政府「唔係不滿，係冇期望」，還稱「睇下上天點收佢哋！」

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568