【英超回歸】熱刺中場紀念戴帽 莫拉學湯漢斯攬住Wilson過人世
蘋果日報 2020/06/16 22:10
阿積士熱刺歐聯湯漢斯劫後重生歐聯亞軍盧卡斯莫拉英超回歸
足球員平時比賽戴完帽，賽後都會攞個波返屋企留念。咁除咗鑲起個波喺度睇之外，仲可以要嚟做咩？熱刺中場盧卡斯莫拉(Lucas Moura)就post咗條片，親身試畀大家睇。
上季歐聯出咗唔少經典戰役，特別喺四強利物浦絕地反擊巴塞嘅同時，喺另一邊熱刺神奇反勝阿積士。熱刺嗰場波功神，巴西中場盧卡斯莫拉近日就post咗條片，片段中見到佢無論係刷牙、食飯、玩啤牌、着衫定係瞓覺都波不離手，仲好盞鬼咁又幫個波「抹咀」，又幫佢戴帽，當正佢係自己個仔咁照顧。條片不禁令人諗起影帝湯漢斯套《劫後重生》，喺個荒島上面攬住個Wilson排球過人世。唔知係武肺隔離悶得滯似流落荒島吖，一話係嗰場之後決賽輸咗畀利物浦，要「劫後重生」呢？
